Verein

L’Uniun musical Surselva“ ei vegnida fundada ils 22 da december 2016 ella Lumnezia dils fundaturs, Primus Cavegn, Guido Derungs, Corsin Stecher, Alexi Derungs, Roman Stecher e Daniel Blumenthal.

L’uniun musical Surselva ha l’intenziun d’inscenar producziuns da musicals e teater cun giuvenils dalla Surselva. Plinavon duei l’uniun promover il cant, la musica ed il sault da giuvenils cun integraziun da persunas professiunalas. Las producziuns duein esser publicas e plidentar in vast publicum d’enteifer ed ordeifer la Surselva.

L’uniun ha negina finamira da rendita e lavura d’utilitad publica.

Nossa giuventetgna en Surselva ei buca mo fetg activa sil sectur sportiv, mobein era sil sectur dalla musica, cant e sault, quei han las producziuns dils davos onns mussau ad ina moda fetg impressiunonta. Per che nossa giuventetgna sa vinavon ed adina puspei mussar quei drova ei ina uniun che dat la pusseivadad da sepresentar sin ina tribuna pli gronda avon in vast publicum.

L’inscenaziun moderna da musicals deriva dils onns 1920 da New York. Da present vegnan quellas inscenadas sigl entir munt e fuorman era en Surselva ina part da nossa cultura.

L’idea iniziala per nossa uniun ei naschida sin fundament dallas experientschas e dil success dils davos projects. Aschia ch’ils fundaturs vegnan era ord quellas retschas. Ina ulteriura finamira da nossa uniun ei era da gudignar commembras e commembers che sustegnan nus en noss projects seigi quei cun engaschi persunal ni cun in sustegn finanzial. Tut tgi che ha plascher da cant, musica, sault e teater da giuvenils ei envidaus da vegnir commember da nossa uniun.

Anmeldung Verein